ຈຸດປະສົງ:

• ເພື່ອໃຫ້ຜູ້ເຂົ້າຮ່ວມສາມາດຮຽນຮູ້ວິທີການປະດິດຕິດໜ້າກາກ
• ເພື່ອຮຽນຮູ້ເທັກນິກການຕິດໜ້າກາກ ແລະ ທັກສະຂື້ນຕື່ມ
• ເພື່ອເສີມສ້າງທາງດ້ານແນວຄິດ ແລະ ຄວາມຮູ້ສຶກອອກມາທາງການປະດິດ

ອຸປະກອນ: ໜ້າກາກຢາງ, ເຈ້ຍໜັງສືພິມ, ກາວ, ຊາມ, ຖົງຢາງແພັກອາຫານ, ນໍ້າ

ໄລຍະເວລາ: 1 ຊົ່ວໂມງ

ຈຳນວນຜູ້ເຂົ້າຮ່ວມ: 10 – 15 ຄົນ, ອາຍຸ: 8ປີຂື້ນໄປ

ການດຳເນີນກິດຈະກຳ:

• ອະທິບາຍຂັ້ນຕອນ ແລະ ວິທີການດຳເນີນກິດຈະກຳ
• ແບ່ງຜູ້ເຂົ້າຮ່ວມອອກເປັນສີ່ກຸ່ມ
• ແຈກຢາຍແມ່ພິມໜ້າກາກແລະອຸປະກອນອື່ນໆໃຫ້ແກ່ຜູ້ເຂົ້າຮ່ວມ
• ຂັ້ນຕອນທີ1:ໃຫ້ຜູ້ເຂົ້າຮ່ວມເທກາວລົງປະສົມກັບນໍ້າປະມານໜຶ່ງສ່ວນສາມແລ້ວຂົນກາວເຂົ້າກັນກັບນໍ້າ ໃຫ້ເປັນ ເນື້ອດ່ຽວກັນ.
• ຂັ້ນຕອນທີ 2: ໃຫ້ຜູ້ເຂົ້າຮ່ວມນໍາໜ້າກາກມາຕິດດ້ວຍຖົງຢາງແພັກອາຫານ (ຖ້າເປັນໜ້າກາກ ຢາງກໍ່ບໍ່ຕ້ອງຕິດຖົງຢາງ )
• ຂັ້ນຕອນທີ 3: ໃຫ້ຜູ້ເຂົ້າຮ່ວມ ນໍາເຈ້ຍໜັງສືພິມມາຈີກເປັນແຜ່ນນ້ອຍໆພໍດີງາມແລ້ວ ຈິ່ງນໍາ     ເ ຈ້ຍ ຈຸມລົງໃສ່ນໍ້າກາວທີ່ປະສົມກັບນໍ້າດີແລ້ວ ຕິດເຈ້ຍໃສ່ໜ້າກາກ ໃຫ້ໄດ້ປະມານ 10 – 20 ຊັ້ນຍິ່ງດີເພື່ອໃຫ້ໜ້າກາກໜາແໜ້ນແລະທົນທານດີ
• ຂັ້ນຕອນທີ 4:​ຫຼັງຈາກຕິດໜ້າກາກແລ້ວ ນໍາໜ້າກາກໄປຕາກແດດໃຫ້ແຫ້ງ.

ຂໍ້ສັງເກດ: ຫາກຜູ້ເຂົ້າຮ່ວມບຸກຄົນໃດຍັງບໍ່ເຂົ້າໃຈ ແລະ ມີພັດທະນາການດ້ານຄວາມຄິດຊ້າ, ຄູຝຶກຄວນເອົາໃຈໃສ່ ເປັນພິເສດ ແລະ ພະຍາຍາມອະທິບາຍເພີ່ມເຕີມ.